ຂໍ້ຄິດຊີວິດຄົນບົນວິຖີຊີວິຕຂອງນົກອິນຊີ
ໂດຍ ພຣະອາຈາຣຍ໌ ພຸດທິໄຊ ພຸດທິບັນດິດ
ຄຳສຸພາສິດບູຮານລາວເຮົາເພິ່ນໄດ້ແບ່ງຊ່ວງວັຍອາຍຸຂອງມະນຸດເຮົາອອກເປັນ 12 ຊ່ວງວັຍຄື:
ສິບປີອາບນ້ຳບໍ່ຫນາວ, ຊາວປີຫລິ້ນສາວບໍ່ເປິດ, ສາມສິບປີນອນຕື່ນກ່ອນໄກ່, ສີ່ສິບປີໄປໄຮ່ມາທອດຂາ, ຫ້າສິບປີໄປນາມາ ທອດຫຸ່ຍ, ຫົກສິບປີເປົ່າຂຸ່ຍບໍ່ດັງ, ເຈັດສິບປີຕີລັງຄັງບໍ່ມ່ວນ, ແປດສິບປີຫນັກຫນວກດ່ວນມາຫູ, ເກົ້າສິບປີນ້ອງມາດູຮ້ອງໄຫ້, ຮ້ອຍປີບໍ່ໄຂ້ບໍ່ຕາຍ, ຮ້ອຍສິບປີເຫັນເດືອນຫງາຍວ່າແມ່ນໄຟໄຫມ້ ແລະຮ້ອຍຊາວປີໄຂ້ບໍ່ໄຂ້ກະຕາຍ
ຕາມຊ່ວງຊີວິດ ຄົນເຮົານີ້ທີທັງມ່ວນຊື່ນແລະຂື່ນຂົມລະທົມທຸກຜະສົມກັນໄປ ທຽບຄຽງກັບນົກອິນຊີ ຊຶ່ງເປັນສັດປີກທີ່ມີອາຍຸ ຍືນຍາວ ທີ່ສຸດໃນໂລກ ຄືມັນມີອາຍຸຍືນເຖິງ 70 ປີ.
ນົກອິນຊີເປັນສັດທີ່ມີຄວາມຍິ່ງໃຫຍ່ ມີພະລັງກ້າແຂງແຮງ ມີສາຍຕາທີ່ແຫລມຄົມແລະຍາວໄກ ປະກອບດ້ວຍກົງເລັບທີ່ ແຂງແກ່ນວ່ອງໄວແລະແມ່ນຍຳໃນການຈັບເຫຍື່ອ ຈຶ່ງໄດ້ຊື່ວ່າເປັນນົກທີ່ຍິ່ງໃຫຍ່ກວ່ານົກຊະນິດໃດໆ ທັ້ງມວນທີ່ມີຢູ່ໃນໂລກນີ້ ຈົນປະເທດມະຫາອໍານາດຫລືແມ່ນແຕ່ປະເທດເຍີຣະມັນນີກໍ່ຍັງໄດ້ຖືເອົານົກອິນຊີເປັນສັນຍາລັກປະຈຳຊາດຂອງຕົນ.
ໃນຄວາມໂດດເດ່ນຂອງນົກອິນຊີນັ້ນຈະມີໃຜຮູ້ບໍ່ວ່າ ຈະມີຊ່ວງລະຍະຊີວິດຢູ່ຊ່ວງນຶ່ງທີ່ສຸດແສນຍາກລຳບາກ ແລະ ທຸກທໍຣະມານ ຢ່າງແສນສາຫັດ ເປັນຊ່ວງວິຖີຊີວິດທີ່ມີອຸປສັກໃຫຍ່ຫລວງຕໍ່ຊີວິດຂອງມັນ ນັ້ນຄື: ຊ່ວງທີ່ມັນມີອາຍຸໄດ້ 40 ປີ, ເພາະໃນຊ່ວງອາຍຸນີ້ສົບ(ຈະງອຍ)ຂອງມັນຈະຫງູ້ມງໍ ຈະຕອດຈະກິນຫຍັງກໍ່ເຮັດໄດ້ຍາກ, ສ່ວນເລັບຂອງມັນກໍ່ຈະຍາວແລະງໍໂຄ້ງ ນີ້ກໍ່ເປັນອຸປສັກຢ່າງຍິ່ງຕໍ່ການຈະຈັບສັດກິນເປັນອາຫານໃຫ້ໄດ້ເຫມືອນເດິມ.
ສໍາຫລັບປີກອັນສງ່າງາມຂອງມັນກໍ່ຈະເກີດຂົນປົກ ຄຸມດົກຫນາຂຶ້ນແລະມີນ້ຳຫນັກ ເຮັດໃຫ້ບິນໄດ້ຍາກແລະເຊື່ອງຊ້າ ຊ່ວງເວລາແຫ່ງຄວາມທຸກທໍຣະມານນີ້ຈະກິນເວລາຍາວນານເຖິງ 150 ວັນ ຫລືປະມານ 5 ເດືອນກວ່າໆ.
ໃນສະພາບອັນທຸກທໍຣະມານນີ້ ມັນມີທາງເລືອກຢູ່ 2 ທາງ ຄື:
1- ຂ້າຕົວຕາຍເສັຍເພື່ອຍຸດຕິຄວາມທຸກທໍຣະມານນັ້ນ
2- ອົດທົນຜ່ານຜ່າດ້ວຍຄວາມເຈັບປວດທຸກທໍຣະມານນັ້ນເພື່ອຈະມີຊີວິດໃຫມ່ໃຫ້ໄດ້.
ຖ້າຫາກມັນເລືອກທາງທີ່ນຶ່ງ ມັນກໍ່ສາມາດເຮັດໄດ້ດ້ວຍການເອົາກົງເລັບປາດຄໍຕົວເອງເພື່ອຈົບຊີວິດຂອງມັນລົງເສັ່ຽ ຫລືບໍ່ດັ່ງນັ້ນກໍ່ບໍ່ຕ້ອງເຮັດຫຍັງພຽງຢູ່ຊື່ໆ ແລ້ວນອນລໍຄວາມຕາຍທີ່ກໍາລັງຈະຄືບຄານເຂົ້າມາເຖິງ ຊຶ່ງບໍ່ຊ້າກໍ່ໄວພາຍໃນ 150 ວັນນັ້ນ.
ແຕ່ຫາກມັນເລືອກທາງທີ່ສອງ ມັນຕ້ອງພະຍາຍາມອີກຄັ້ງ ເພື່ອທີ່ຈະບິນຂຶ້ນສູ່ພູເຂົາສູງ ແລະເທີງພູເຂົານັ້ນ ມັນຕ້ອງເອົາ ຈະງອຍ(ສົບ)ຂອງມັນເຄາະກັບຫີນເປັນຮ້ອຍ ເປັນພັນເທື່ອ ແມ່ນວ່າມັນຈະເຈັບປວດປານໃດມັນກໍ່ຕ້ອງອົດທົນໃຫ້ໄດ້ ເພື່ອໃຫ້ຈະງອຍປາກຂອງມັນຫລຸດລ່ອນອອກມາ ຈາກນັ້ນມັນກໍ່ຕ້ອງເຄາະກົງເລັບຂອງມັນທີ່ຫງູ້ມງໍນັ້ນກັບຫີນແຂງໆ ໃຫ້ເລັບຫລຸດລ່ອນອອກມາເທື່ອລະເລັບໆ ຈົນຫມົດ ແລະມັນຕ້ອງສັບຕອດຖອດຂົນອັນຫນາທຶບຂອງມັນທີ່ໃນ ຫນ້າເອິກແລະ ທີ່ປີກເທື່ອລະຂົນໆ ຈົນຂົນທີ່ທຶບຫນາເຫລົ່ານັ້ນຫລຸດລົ່ນຫມົດໄປ ແຕ່ກວ່າກິຈກັມດຳເນິນໄປນັ້ນຈະສຳເລັດລົງໄດ້ກໍ່ຕ້ອງໃຊ້ ເວລາ ດົນນານແລະເປັນໄປຢ່າງຊ້າໆ ແລະຕໍ່ເນື່ອງແລະສຸດເຈັບປວດແສນສາຫັດ ສາກັນ ຄວາມເປັນແລະຄວາມຕາຍ ຈະສິ້ນສຸດ ລົງເມື່ອຄົບ 150 ວັນ.
ແລະຖ້າມັນຜ່ານກະບວນການອັນສຸດແສນລຳບາກນີ້ໄປໄດ້ ລາງວັນຂອງມັນກໍ່ຄື: ຈະງອຍປາກທີ່ຈະງອກອອກມາໃຫມ່ຊຶ່ງຈະແຂງແກ່ນແລະສວຍງາມກວ່າເກົ່າ ເລັບທີ່ງອກອອກມາໃຫມ່ທີ່ແຂງແຮງ ແລະ ແຫລມຄົມ ຈະສວຍງາມກວ່າເກົ່າ ເຫມາະສົມຢ່າງຍິ່ງແກ່ພາຣະກິດໃນການໄລ່ລ່າອັນ ຖນັດຂອງມັນ ແລະຂອງຂວັນອັນລ້ຳຄ່າທີ່ສຸດ ຖ້າມັນສາມາດຜ່ານກະບວນການນີ້ໄປໄດ້ກໍ່ຄື: ມັນຈະສາມາດມີຊີວິດທີ່ຍືນຍາວຕໍ່ໄປໄດ້ອີກເຖິງ 30 ປີ. ເປັນຊີວິດອີກ 30 ປີທີ່ແຂງແຮງກວ່າເກົ່າ ແລະ ສງ່າງາມກວ່າເກົ່າ ຊົງພະລັງກວ່າເກົ່າ ປະກົດຕົວເທີງທ້ອງຟ້າໄດ້ຢ່າງຢິ່ງໃຫຍ່ແລະມີກຽດຫລາຍກວ່າເກົ່າ.
ແຕ່ໃນກະບວນການນີ້ ມີນົກອິນຊີຈຳນວນບໍ່ຫນ້ອຍ ທີ່ສາມາດຜ່ານບົດທົດສອບທີ່ກ່າວມາແລ້ວນີ້ ແລະກໍ່ມີນົກອິນຊີ ຈຳນວນຫລາຍເຊັ່ນກັນເຖິງແມ່ນວ່າຈະເລືອກທີ່ຈະມີຊີວິດໃຫມ່ດ້ວຍທາງເລືອກທີ່ສອງ ແຕ່ກໍ່ຕ້ອງລົ້ມຕາຍໄປເພາະອົດທົນ ຕໍ່ຄວາມເຈັບປວດ, ຜິດວິທີການແລະບໍ່ຮູ້ວິທີໃນການແກ້ໄຂປັນຫານັ້ນໄດ້ ສ່ວນນົກອິນທີທີ່ເລືອກວິຖີຊີວິດເບື້ອງຕົ້ນນັ້ນ ຕາຍຫມົດທຸກຕົວພາຍໃນ 150 ວັນແນ່ນອນ.
ມີຫລາຍຄົນເຊື່ອວ່າ ວິຖີຊີວິດຂອງນົກອິນທີນີ້ອາດເປັນທີ່ມາຂອງນິທານປະຣຳປະຣາທີ່ວ່າດ້ວຍ “ນົກຟີນິກຊ໌” ໃນຕໍານານຄວາມເຊື່ອຂອງຊາວກຣີກໂບຮານ ນົກຟີນິກຊ໌ຊະນິດນີ້ໄດ້ຊື່ວ່າເປັນນົກທີ່ມີຊີວິດເປັນອະມະຕະຊຶ່ງບໍ່ມີມື້ຕາຍ (ເພາະເມື່ອຕາຍແລ້ວກໍ່ຍັງສາມາດຟື້ນຄືນຊີວິດໄດ້ທຸກເທື່ອໄປ) ແລະຖ້າເບິ່ງວິຖີຊີວິດຂອງຄົນເຮົາຜ່ານວິຖີຊີວິດຂອງນົກອິນຊີແລ້ວ ຈະເຫັນໄດ້ວ່າ: ທັງນົກອິນຊີແລະມະນຸດເຮົາລ້ວນມີຊ່ວງລະຍະວິຖີຊີວິດພໍໆ ກັນປະມານ 70 ປີ ແລະຄໍາກ່າວຂອງຊາວຕະວັນຕົກ(ຝຣັ່ງ)ທີ່ວ່າ “ຊີວິດເລິ່ມຕົ້ນເມື່ອອາຍຸ 40 ປີ” ນັ້ນ ກໍ່ອາດມີຄວາມຫມາຍສໍາຄັນທຽບຄຽງກັບວິຖີຊີວິດຂອງນົກອິນທີກໍ່ເປັນໄດ້.
ແຕ່ວ່າ ຈະ 30 ຫລື 40 ຫລື 50 ປີ ຄົນເຮົາກໍ່ຈະຕ້ອງມີຊ່ວງເວລາທີ່ສໍາຄັນ ອັນເປັນຊ່ວງ “ປ່ຽນຜ່ານ”(Transforming)ດ້ວຍກັນທຸກຄົນ ຄືເປັນການປ່ຽນຜ່ານເພື່ອການປ່ຽນແປງໄປສູ່ຄົນໆ ໃຫມ່ ຄຸນພາບໃຫມ່ ແລະຄຸນຄ່າໃຫມ່ທີ່ສ້າງສັນຍິ່ງຂຶ້ນ ຊຶ່ງບາງເທື່ອສໍາຫລັບບາງຄົນອາດຮຽກໄດ້ວ່າເປັນການ ”ເກີດໃຫມ່” ອີກເທື່ອນຶ່ງກໍ່ວ່າໄດ້ ຊຶ່ງນີ້ຕ້ອງອາ ສັຍ ຄວາມມຸ່ງຫມັ້ນ ອັນຍິ່ງໃຫຍ່ ອາສັຍຄວາມກ້າຫານ ແລະອົດທົນຢ່າງຍິ່ງ ອາດຕ້ອງລືມອະດີດໃຫ້ຫມົດສິ້ນ ຖິ້ມຄວາມເຊື່ອເກົ່າໆ ຖິ້ມຄວາມຄຸ້ນເຄີຍເກົ່າໆ ແລະຖິ້ມອຸປນິສັຍເກົ່າໆ ເພື່ອການປ່ຽນແປງໄປສູ່ຄົນໃຫມ່ໄດ້ຢ່າງແທ້ຈິງ ຢ່າງໃດກໍ່ຕາມຜູ້ຂຽນ ກໍ່ຍັງມັກກັບຄຳເວົ້າຄຳໆ ນຶ່ງວ່າ: “ຢາກມີຊີວິດໃຫມ່ ກໍ່ຈົ່ງຢ່າໃຊ້ຊີວິດແບບເກົ່າ” ແລະຄໍາກ່າວຂອງອາລເບິຣ໌ຕໄອນ໌ສະໄຕນ໌ ທີ່ວ່າ:
“ການເຮັດສິ່ງເກົ່າຊໍ້າແລ້ວຊໍ້າອີກ ໂດຍຫວັງວ່າຈະໄດ້ຮັບຜົນທີ່ແຕກຕ່າງໄປຈາກເດິມນັ້ນ ນັບວ່າເປັນ ຄວາມວິກົນຈຣິດ ຊະນິດນຶ່ງ”.
ຄົນບາງຄົນນັ້ນ ແມ້ນວ່າອາດມີອາຍຸຍືນຍາວເຖິງ 70-80 ປີ ແຕ່ບໍ່ມີການປ່ຽນແປງທີ່ສ້າງສັນ ໃດໆ ໃນຊີວິດ ບໍ່ມີການປ່ຽນ ຜ່ານຄັ້ງສຳຄັນ ທີ່ຈະເຮັດໃຫ້ຊີວິດມີຄຸນຄ່າທະວີຂຶ້ນກັບໂລກໃບນີ້ ກໍ່ອາດກ່າວໄດ້ວ່າ
ໃນຄວາມຈິງແລ້ວຄົນໆນັ້ນ ໄດ້ເສັຽຊີວິດໄປແລ້ວຕັ້ງແຕ່ອາຍຸໄດ້ປະມານ 20 ປີເທົ່ານັ້ນພຽງແຕ່ວ່າ ງານສົບຂອງເຂົາທີ່ຈັດຢ່າງ ເປັນທາງການນັ້ນ ຄ່ອຍໄປຈັດເອົາຫລັງຈາກນັ້ນອີກ ປະມານ 50-60 ປີ ຕໍ່ມາເທົ່ານັ້ນເອງ.
ໂດຍ ພຣະອາຈາຣຍ໌ ພຸດທິໄຊ ພຸດທິບັນດິດ
ຄຳສຸພາສິດບູຮານລາວເຮົາເພິ່ນໄດ້ແບ່ງຊ່ວງວັຍອາຍຸຂອງມະນຸດເຮົາອອກເປັນ 12 ຊ່ວງວັຍຄື:
ສິບປີອາບນ້ຳບໍ່ຫນາວ, ຊາວປີຫລິ້ນສາວບໍ່ເປິດ, ສາມສິບປີນອນຕື່ນກ່ອນໄກ່, ສີ່ສິບປີໄປໄຮ່ມາທອດຂາ, ຫ້າສິບປີໄປນາມາ ທອດຫຸ່ຍ, ຫົກສິບປີເປົ່າຂຸ່ຍບໍ່ດັງ, ເຈັດສິບປີຕີລັງຄັງບໍ່ມ່ວນ, ແປດສິບປີຫນັກຫນວກດ່ວນມາຫູ, ເກົ້າສິບປີນ້ອງມາດູຮ້ອງໄຫ້, ຮ້ອຍປີບໍ່ໄຂ້ບໍ່ຕາຍ, ຮ້ອຍສິບປີເຫັນເດືອນຫງາຍວ່າແມ່ນໄຟໄຫມ້ ແລະຮ້ອຍຊາວປີໄຂ້ບໍ່ໄຂ້ກະຕາຍ
ຕາມຊ່ວງຊີວິດ ຄົນເຮົານີ້ທີທັງມ່ວນຊື່ນແລະຂື່ນຂົມລະທົມທຸກຜະສົມກັນໄປ ທຽບຄຽງກັບນົກອິນຊີ ຊຶ່ງເປັນສັດປີກທີ່ມີອາຍຸ ຍືນຍາວ ທີ່ສຸດໃນໂລກ ຄືມັນມີອາຍຸຍືນເຖິງ 70 ປີ.
ນົກອິນຊີເປັນສັດທີ່ມີຄວາມຍິ່ງໃຫຍ່ ມີພະລັງກ້າແຂງແຮງ ມີສາຍຕາທີ່ແຫລມຄົມແລະຍາວໄກ ປະກອບດ້ວຍກົງເລັບທີ່ ແຂງແກ່ນວ່ອງໄວແລະແມ່ນຍຳໃນການຈັບເຫຍື່ອ ຈຶ່ງໄດ້ຊື່ວ່າເປັນນົກທີ່ຍິ່ງໃຫຍ່ກວ່ານົກຊະນິດໃດໆ ທັ້ງມວນທີ່ມີຢູ່ໃນໂລກນີ້ ຈົນປະເທດມະຫາອໍານາດຫລືແມ່ນແຕ່ປະເທດເຍີຣະມັນນີກໍ່ຍັງໄດ້ຖືເອົານົກອິນຊີເປັນສັນຍາລັກປະຈຳຊາດຂອງຕົນ.
ໃນຄວາມໂດດເດ່ນຂອງນົກອິນຊີນັ້ນຈະມີໃຜຮູ້ບໍ່ວ່າ ຈະມີຊ່ວງລະຍະຊີວິດຢູ່ຊ່ວງນຶ່ງທີ່ສຸດແສນຍາກລຳບາກ ແລະ ທຸກທໍຣະມານ ຢ່າງແສນສາຫັດ ເປັນຊ່ວງວິຖີຊີວິດທີ່ມີອຸປສັກໃຫຍ່ຫລວງຕໍ່ຊີວິດຂອງມັນ ນັ້ນຄື: ຊ່ວງທີ່ມັນມີອາຍຸໄດ້ 40 ປີ, ເພາະໃນຊ່ວງອາຍຸນີ້ສົບ(ຈະງອຍ)ຂອງມັນຈະຫງູ້ມງໍ ຈະຕອດຈະກິນຫຍັງກໍ່ເຮັດໄດ້ຍາກ, ສ່ວນເລັບຂອງມັນກໍ່ຈະຍາວແລະງໍໂຄ້ງ ນີ້ກໍ່ເປັນອຸປສັກຢ່າງຍິ່ງຕໍ່ການຈະຈັບສັດກິນເປັນອາຫານໃຫ້ໄດ້ເຫມືອນເດິມ.
ສໍາຫລັບປີກອັນສງ່າງາມຂອງມັນກໍ່ຈະເກີດຂົນປົກ ຄຸມດົກຫນາຂຶ້ນແລະມີນ້ຳຫນັກ ເຮັດໃຫ້ບິນໄດ້ຍາກແລະເຊື່ອງຊ້າ ຊ່ວງເວລາແຫ່ງຄວາມທຸກທໍຣະມານນີ້ຈະກິນເວລາຍາວນານເຖິງ 150 ວັນ ຫລືປະມານ 5 ເດືອນກວ່າໆ.
ໃນສະພາບອັນທຸກທໍຣະມານນີ້ ມັນມີທາງເລືອກຢູ່ 2 ທາງ ຄື:
1- ຂ້າຕົວຕາຍເສັຍເພື່ອຍຸດຕິຄວາມທຸກທໍຣະມານນັ້ນ
2- ອົດທົນຜ່ານຜ່າດ້ວຍຄວາມເຈັບປວດທຸກທໍຣະມານນັ້ນເພື່ອຈະມີຊີວິດໃຫມ່ໃຫ້ໄດ້.
ຖ້າຫາກມັນເລືອກທາງທີ່ນຶ່ງ ມັນກໍ່ສາມາດເຮັດໄດ້ດ້ວຍການເອົາກົງເລັບປາດຄໍຕົວເອງເພື່ອຈົບຊີວິດຂອງມັນລົງເສັ່ຽ ຫລືບໍ່ດັ່ງນັ້ນກໍ່ບໍ່ຕ້ອງເຮັດຫຍັງພຽງຢູ່ຊື່ໆ ແລ້ວນອນລໍຄວາມຕາຍທີ່ກໍາລັງຈະຄືບຄານເຂົ້າມາເຖິງ ຊຶ່ງບໍ່ຊ້າກໍ່ໄວພາຍໃນ 150 ວັນນັ້ນ.
ແຕ່ຫາກມັນເລືອກທາງທີ່ສອງ ມັນຕ້ອງພະຍາຍາມອີກຄັ້ງ ເພື່ອທີ່ຈະບິນຂຶ້ນສູ່ພູເຂົາສູງ ແລະເທີງພູເຂົານັ້ນ ມັນຕ້ອງເອົາ ຈະງອຍ(ສົບ)ຂອງມັນເຄາະກັບຫີນເປັນຮ້ອຍ ເປັນພັນເທື່ອ ແມ່ນວ່າມັນຈະເຈັບປວດປານໃດມັນກໍ່ຕ້ອງອົດທົນໃຫ້ໄດ້ ເພື່ອໃຫ້ຈະງອຍປາກຂອງມັນຫລຸດລ່ອນອອກມາ ຈາກນັ້ນມັນກໍ່ຕ້ອງເຄາະກົງເລັບຂອງມັນທີ່ຫງູ້ມງໍນັ້ນກັບຫີນແຂງໆ ໃຫ້ເລັບຫລຸດລ່ອນອອກມາເທື່ອລະເລັບໆ ຈົນຫມົດ ແລະມັນຕ້ອງສັບຕອດຖອດຂົນອັນຫນາທຶບຂອງມັນທີ່ໃນ ຫນ້າເອິກແລະ ທີ່ປີກເທື່ອລະຂົນໆ ຈົນຂົນທີ່ທຶບຫນາເຫລົ່ານັ້ນຫລຸດລົ່ນຫມົດໄປ ແຕ່ກວ່າກິຈກັມດຳເນິນໄປນັ້ນຈະສຳເລັດລົງໄດ້ກໍ່ຕ້ອງໃຊ້ ເວລາ ດົນນານແລະເປັນໄປຢ່າງຊ້າໆ ແລະຕໍ່ເນື່ອງແລະສຸດເຈັບປວດແສນສາຫັດ ສາກັນ ຄວາມເປັນແລະຄວາມຕາຍ ຈະສິ້ນສຸດ ລົງເມື່ອຄົບ 150 ວັນ.
ແລະຖ້າມັນຜ່ານກະບວນການອັນສຸດແສນລຳບາກນີ້ໄປໄດ້ ລາງວັນຂອງມັນກໍ່ຄື: ຈະງອຍປາກທີ່ຈະງອກອອກມາໃຫມ່ຊຶ່ງຈະແຂງແກ່ນແລະສວຍງາມກວ່າເກົ່າ ເລັບທີ່ງອກອອກມາໃຫມ່ທີ່ແຂງແຮງ ແລະ ແຫລມຄົມ ຈະສວຍງາມກວ່າເກົ່າ ເຫມາະສົມຢ່າງຍິ່ງແກ່ພາຣະກິດໃນການໄລ່ລ່າອັນ ຖນັດຂອງມັນ ແລະຂອງຂວັນອັນລ້ຳຄ່າທີ່ສຸດ ຖ້າມັນສາມາດຜ່ານກະບວນການນີ້ໄປໄດ້ກໍ່ຄື: ມັນຈະສາມາດມີຊີວິດທີ່ຍືນຍາວຕໍ່ໄປໄດ້ອີກເຖິງ 30 ປີ. ເປັນຊີວິດອີກ 30 ປີທີ່ແຂງແຮງກວ່າເກົ່າ ແລະ ສງ່າງາມກວ່າເກົ່າ ຊົງພະລັງກວ່າເກົ່າ ປະກົດຕົວເທີງທ້ອງຟ້າໄດ້ຢ່າງຢິ່ງໃຫຍ່ແລະມີກຽດຫລາຍກວ່າເກົ່າ.
ແຕ່ໃນກະບວນການນີ້ ມີນົກອິນຊີຈຳນວນບໍ່ຫນ້ອຍ ທີ່ສາມາດຜ່ານບົດທົດສອບທີ່ກ່າວມາແລ້ວນີ້ ແລະກໍ່ມີນົກອິນຊີ ຈຳນວນຫລາຍເຊັ່ນກັນເຖິງແມ່ນວ່າຈະເລືອກທີ່ຈະມີຊີວິດໃຫມ່ດ້ວຍທາງເລືອກທີ່ສອງ ແຕ່ກໍ່ຕ້ອງລົ້ມຕາຍໄປເພາະອົດທົນ ຕໍ່ຄວາມເຈັບປວດ, ຜິດວິທີການແລະບໍ່ຮູ້ວິທີໃນການແກ້ໄຂປັນຫານັ້ນໄດ້ ສ່ວນນົກອິນທີທີ່ເລືອກວິຖີຊີວິດເບື້ອງຕົ້ນນັ້ນ ຕາຍຫມົດທຸກຕົວພາຍໃນ 150 ວັນແນ່ນອນ.
ມີຫລາຍຄົນເຊື່ອວ່າ ວິຖີຊີວິດຂອງນົກອິນທີນີ້ອາດເປັນທີ່ມາຂອງນິທານປະຣຳປະຣາທີ່ວ່າດ້ວຍ “ນົກຟີນິກຊ໌” ໃນຕໍານານຄວາມເຊື່ອຂອງຊາວກຣີກໂບຮານ ນົກຟີນິກຊ໌ຊະນິດນີ້ໄດ້ຊື່ວ່າເປັນນົກທີ່ມີຊີວິດເປັນອະມະຕະຊຶ່ງບໍ່ມີມື້ຕາຍ (ເພາະເມື່ອຕາຍແລ້ວກໍ່ຍັງສາມາດຟື້ນຄືນຊີວິດໄດ້ທຸກເທື່ອໄປ) ແລະຖ້າເບິ່ງວິຖີຊີວິດຂອງຄົນເຮົາຜ່ານວິຖີຊີວິດຂອງນົກອິນຊີແລ້ວ ຈະເຫັນໄດ້ວ່າ: ທັງນົກອິນຊີແລະມະນຸດເຮົາລ້ວນມີຊ່ວງລະຍະວິຖີຊີວິດພໍໆ ກັນປະມານ 70 ປີ ແລະຄໍາກ່າວຂອງຊາວຕະວັນຕົກ(ຝຣັ່ງ)ທີ່ວ່າ “ຊີວິດເລິ່ມຕົ້ນເມື່ອອາຍຸ 40 ປີ” ນັ້ນ ກໍ່ອາດມີຄວາມຫມາຍສໍາຄັນທຽບຄຽງກັບວິຖີຊີວິດຂອງນົກອິນທີກໍ່ເປັນໄດ້.
ແຕ່ວ່າ ຈະ 30 ຫລື 40 ຫລື 50 ປີ ຄົນເຮົາກໍ່ຈະຕ້ອງມີຊ່ວງເວລາທີ່ສໍາຄັນ ອັນເປັນຊ່ວງ “ປ່ຽນຜ່ານ”(Transforming)ດ້ວຍກັນທຸກຄົນ ຄືເປັນການປ່ຽນຜ່ານເພື່ອການປ່ຽນແປງໄປສູ່ຄົນໆ ໃຫມ່ ຄຸນພາບໃຫມ່ ແລະຄຸນຄ່າໃຫມ່ທີ່ສ້າງສັນຍິ່ງຂຶ້ນ ຊຶ່ງບາງເທື່ອສໍາຫລັບບາງຄົນອາດຮຽກໄດ້ວ່າເປັນການ ”ເກີດໃຫມ່” ອີກເທື່ອນຶ່ງກໍ່ວ່າໄດ້ ຊຶ່ງນີ້ຕ້ອງອາ ສັຍ ຄວາມມຸ່ງຫມັ້ນ ອັນຍິ່ງໃຫຍ່ ອາສັຍຄວາມກ້າຫານ ແລະອົດທົນຢ່າງຍິ່ງ ອາດຕ້ອງລືມອະດີດໃຫ້ຫມົດສິ້ນ ຖິ້ມຄວາມເຊື່ອເກົ່າໆ ຖິ້ມຄວາມຄຸ້ນເຄີຍເກົ່າໆ ແລະຖິ້ມອຸປນິສັຍເກົ່າໆ ເພື່ອການປ່ຽນແປງໄປສູ່ຄົນໃຫມ່ໄດ້ຢ່າງແທ້ຈິງ ຢ່າງໃດກໍ່ຕາມຜູ້ຂຽນ ກໍ່ຍັງມັກກັບຄຳເວົ້າຄຳໆ ນຶ່ງວ່າ: “ຢາກມີຊີວິດໃຫມ່ ກໍ່ຈົ່ງຢ່າໃຊ້ຊີວິດແບບເກົ່າ” ແລະຄໍາກ່າວຂອງອາລເບິຣ໌ຕໄອນ໌ສະໄຕນ໌ ທີ່ວ່າ:
“ການເຮັດສິ່ງເກົ່າຊໍ້າແລ້ວຊໍ້າອີກ ໂດຍຫວັງວ່າຈະໄດ້ຮັບຜົນທີ່ແຕກຕ່າງໄປຈາກເດິມນັ້ນ ນັບວ່າເປັນ ຄວາມວິກົນຈຣິດ ຊະນິດນຶ່ງ”.
ຄົນບາງຄົນນັ້ນ ແມ້ນວ່າອາດມີອາຍຸຍືນຍາວເຖິງ 70-80 ປີ ແຕ່ບໍ່ມີການປ່ຽນແປງທີ່ສ້າງສັນ ໃດໆ ໃນຊີວິດ ບໍ່ມີການປ່ຽນ ຜ່ານຄັ້ງສຳຄັນ ທີ່ຈະເຮັດໃຫ້ຊີວິດມີຄຸນຄ່າທະວີຂຶ້ນກັບໂລກໃບນີ້ ກໍ່ອາດກ່າວໄດ້ວ່າ
ໃນຄວາມຈິງແລ້ວຄົນໆນັ້ນ ໄດ້ເສັຽຊີວິດໄປແລ້ວຕັ້ງແຕ່ອາຍຸໄດ້ປະມານ 20 ປີເທົ່ານັ້ນພຽງແຕ່ວ່າ ງານສົບຂອງເຂົາທີ່ຈັດຢ່າງ ເປັນທາງການນັ້ນ ຄ່ອຍໄປຈັດເອົາຫລັງຈາກນັ້ນອີກ ປະມານ 50-60 ປີ ຕໍ່ມາເທົ່ານັ້ນເອງ.
